"Пахтакор" "Турон" майдонида очко йўқотди

Ўзбекистон Суперлигаси 7-туридан ўрин олган "Турон" - "Пахтакор" учрашуви ўз якунига етди. Унда томонлар 1:1 ҳисобида дуранг ўйнади.

Дастлаб, Драган Черан пенальтини аниқ амалга ошириб, жамоасини ҳисобда олдинга олиб чиққан бўлса, захирадан ўйинга қўшилган Жавоҳир Соҳибов 48-дақиқада тарози паллаларини тенглаштирди.

Шу тариқа, меҳмонда бир очко йўқотган "шерлар" 1-ўринни мустаҳкамлаб олди. "Турон" 3 очко билан сўнгги поғонани банд этган.

• 90+4'
  

  Учрашув якунланди. "Шерлар" жорий мавсум илк бор очко йўқотди.

• 90+3'

  Соҳибовга сариқ карточка кўрсатилди. "Шерлар"да стандарт вазият.

• 90+1'

  Абдухолиқов тўпни Қувватовнинг устидан ошириб дарвозага йўллади. Тўп тўсин юқорисидан ўтиб кетди.

• 90'
  

  Ўйиннинг асосий вақтига 5 дақиқа қўшиб берилди.

• 88'
  

  Хожимуҳаммад Эркинов ўз ўрнини Файзуллаевга бўшатиб берди.

• 86'
  

  Ортиқовдан яна бир сейв! Акмал бу сафар Чераннинг уринишини бартараф этди.

• 83'

  Ўйин темпи тобора ошиб бормоқда.

• 80'
  

  Майдонга Дердийок ўрнига Холдорхонов, Аброр Исмоилов ўрнига Муҳиддинов туширилди.

• 78'

  Хюистра шогирдлари тўлиқ назоратни қўлга олди.

• 76'

  Сўнгги дақиқаларда "Пахтакор" футболчилари катта куч билан олдинга ташланмоқда.

• 74'

  "Турон" посбони дарвозаси томон йўлланган яна бир зарбаси қайтарди.

• 72'
  

  Собирхўжаевнинг зарбасидан кейин Ортиқов тўпни эгаллаб олди.

• 70'
  

  "Турон"да Ким Бойонг ўрнига Абдулҳақов, Тошмирзаев ўрнига Абдурашидов туширилди.

• 68'
  

  Дердийокнинг зарбасидан кейин дарвозабон хавфни бартараф этди.

• 67'

  Яйпанликлар стандарт вазиятдан наф чиқара олмади.

• 65'
  

  Анзур Исмоилов огоҳлантирилди.

• 63'
  

  Холматов ўрнига Турғунбоев, Йўлдошев ўрнига Алижонов туширилди

• 61'
  

  Дердийокнинг зарбасидан кейин Ортиқов тўпни қайтарди.

• 59'

  Жарима майдони ичида мезбонлар вакили Эркиновни тўхтатди.

• 57'

  Ўйин тизгини "шерлар" томонга қайтди.

• 55'
  

  Футболчилар бироз интизомни йўқотмоқда. Бу сафар Даврон Умиров огоҳлантирилди.

• 54'
  

  Йўлдошевга нисбатан қоида бузган Жасур Ҳакимовга сариқ карточка кўрсатилди.

• 53'
  

  Узоқ масофадан берилган зарбани Қувватов бартараф этди.

• 52'

  Исмоилов шогирдлари тўп назоратини қўлга олишга интиляпти.

• 50'

  Голдан руҳланган мезбонлар ҳужумкорликни давом эттирмоқда.

• 48'
  

  ГОООООООООООЛ! Учрашувда ҳисоб тенглашди!

  Қувватовдан қайтган тўпни Жавоҳир Соҳибов дарвозага киритди.

• 47'
  

  Футболчилар ўзаро тўқнашиб кетди. Шифокорлар майдонга тушиб келди.

• 46'
  

  Иккинчи тайм бошланди!

• 45+1'
  

  Танаффус!

• 45'
  

  Биринчи бўлимга 1 дақиқа қўшиб берилди.

• 45'
  

  Рақиби билан тўқнашиб кетган Йўлдошевга тиббий ёрдам керак.

• 44'

  "Турон" футболчисининг яқин масофадан йўллаган зарбаси дарвоза тўрига ташқи томондан тегди.

• 43'

  Бўлим сўнгини майдон эгалари кичик устунлик билан ўтказмоқда.

• 41'

  Музаффаровнинг олис масофадан берган зарбаси ноаниқ кетди.

• 41'
  

  Касмининнинг боши билан зарбасидан кейин Қувватов тўпни ушлаб олди

• 40'
  

  Иброҳимҳалил Йўлдошевга сариқ карточка кўрсатилди.

• 39'

  "Пахтакор" стандарт вазиятдан наф чиқара олмади. Жарима майдонига оширилган тўпни ҳимоячилар қайтарди.

• 37'
  

  ГООООООООЛ! Учрашувда ҳисоб очилди!

  Тўп қаршисига келган Черан ўзидан чап томонга зарба йўллаб, жамоасини олдинга олиб чиқди.

• 36'
  

  Абдуқаҳҳор Ҳожиакбаров огоҳлантирилди.

• 35'
  

  Жарима майдони ичида Ҳожиакбаров Эркиновни қоида бузиш эвазига тўхтатди. Ҳакам нуқтага ишора қилди.

• 34'

  Музаффароқнинг узоқ масофадан берган зарбаси бироз ноаниқ кетди.

• 33'

  Ўйин пойтахтликларнинг кичик устунлиги остида давом этмоқда. Яйпанликлар қарши ҳужумларда ўз вақтини кутяпти.

• 31'

  Анзур Исмоиловнинг яқин масофадан йўллаган зарбасига аниқлик етишмади.

• 30'

  Дердийокнинг стандартдан берган зарбаси жонли деворга тегиб, ўз йўналишини ўзгартирди.

• 28'

  Яккама-якка курашда Ким Бойонг Сайфиевга енгилди.

• 26'

  Дарвозабонни алдаб ўтган Чераннинг зарбасидан кейин ҳимоячи тўпни қайтариб юборди.

• 24'

  Ҳакам футболчиларга томоқ ҳўллаб олиш имкониятини тақдим этди.

• 23'

  Жарима майдонига яқин ҳудудда "Турон" футболчиси йиқилиб тушди. Ўйинни давом эттириш мумкин.

• 21'
  

  "Шерлар" бурчак тўпидан унумли фойдалана олмади.

• 20'
  

  Чераннинг зарбасидан кейин Ортиқов тўпни қайтарди.

• 18'

  Ўйин тенг курашлар остида давом этмоқда. "Пахтакор" нисбатан фаолроқ.

• 16'
  

  Жароҳатини янгилаб олган Фозил Мусаев ўз ўрнини Жавоҳир Соҳибовга бўшатиб берди.

• 15'

  Тошмирзаевнинг паси зарбага айланиб кетди. Қувватовнинг бахтига тўп устун ёнгинасидан ўтиб кетди.

• 14'

  Ҳолматовнинг стандартдан узатган тўпига ҳеч ким ета олмади.

• 12'

  Мусаев рақиб жарима майдони ичида фаоллик кўрсатди ва зарба берди. Тўп Қувватовнинг қўлига келиб тушди.

• 11'

  Чераннинг зарбаси кўнгилдагидек чиқмади.

• 9'

  Эрен Дердийокнинг бош билан йўллаган зарбасидан кейин дарвозабон тўпни ушлаб олди.

• 7'

  Мезбонларнинг қарши ҳужумини позиция танлашда яхши ҳаракат қилган Аъзамов тўхтатди.

• 5'

  Исмоилов шогирдлари прессингг уюштирмоқда.

• 3'

  Меҳмонлар тўп назоратини қўлга олишга ҳаракат қилмоқда.

• 1'

  12-сониядаёқ мезбонлар футболчиси Ҳакимов дарвозага зарба йўллади. Тўп мўлжалга аниқ бормади.

• 1'
  

  Ўйин бошланди!

• 0'

  Футболчилар майдонга чиқиб келди. Старт учун барчаси тайёр!