"Paxtakor"ni yirik hisobda taslim etgan "Sharja" murabbiyi o‘yindan keyin nimalar dedi?

Osiyo Chempionlar Ligasi guruh bosqichining 3-turida "Sharja" "Paxtakor"ga qarshi bahs olib borib, 4;1 hisobida g‘alabaga erishdi. O‘yindan so‘ng, BAA klubi bosh murabbiyi Abdulaziz Al Anbari quyidagi fikrlarni bildirib o‘tdi:

"Avvalo, futbolchilarimga ajoyib o‘yin uchun rahmat aytmoqchiman. O‘yin davomida ular to‘liq kuch bilan harakat qildi. 

Ayni paytda tarkibimizda harakat qilayotgan futbolchilarga rahmat aytishdan charchamayman. Ular asosiy futbolchilarimizning yo‘qligini bildirmaslikka qo‘ldan kelgancha harakat qilmoqdalar. Elkalarida katta bosim turibdi. Bugungi sinovimiz ham oson emasdi. Bugun jamoa sifatida yaxshi harakat qildik. Igor Koronado va Al Hasan Salehning qaytishi bilan yanada yaxshiroq o‘yin o‘tkazishimiz mumkin bo‘ladi. 

Birinchi bo‘lim ancha qiyin o‘tdi. Sababi, to‘p nazoratini saqlay olmadik. Ikkinchi golni urib olgach esa, ancha xotirjam harakat qilib, o‘z futbolimizni namoyish etdik. O‘ylaymanki, oldinla kutib turgan o‘yinlarda ham mana shu taxtit harakat qilishda davom etamiz. 

Maqsadimiz keyingi bosqichga yo‘l olish va u erda ham BAA futboli nufuzini himoya qilish", - deydi Al Anbari.