"Пахтакор"нинг бўлажак рақибида бош мураббий истеъфога чиқарилди

Қозоғистоннинг "Қайрат" клубида бош мураббий истеъфога чиқарилди. Бу ҳақда meta-ratings.kz сайти хабар берди. 

Манбанинг маълум қилишича, маҳаллий мутахассис Кирилл Морунов қониқарсиз натижалар сабаб лавозимидан озод этилди. "Қайрат" мамлакат биринчилигида 12 очко билан 11-ўринни банд этган.

Эслатиб ўтамиз, "Пахтакор" 19 июль куни Қозоғистонда "Қайрат"га қарши жавоб ўйинида иштирок этиши белгиланган. Томонларинг Тошкентдаги тўқнашувида "шерлар" 4:3 ҳисобида ғалаба қозонганди.