"Пахтакор"нинг мавсумга тайёргарлик режаси аниқ
"Пахтакор"нинг мавсумга тайёргарлик режаси аниқ
"Пахтакор" 2019 йилги мавсумга ҳозирлик кўришни 24 декабрда бошлашади. Бу ҳақда клуб матбуот хизмати хабар бермоқда.
Манбанинг маълум қилишича, тиббий текширувлардан ўтилгач, 24-29 декабрь кунлари Тошкентда футболчилар машғулотларга қайтишади. Янги йил байрамидан сўнг 3-9 январь кунлари ҳам пойтахтда тайёргарлик давом эттирилади. 11-24 январь кунлари эса Туркиянинг Белек шаҳарчасида хориж йиғини ўтказилади. Тошкентга қайтиб келингач, яна тўрт кундан кейин "Пахтакор" БАА йиғинига йўл олади. 29 январь - 7 февраль кунлари Дубайда ўқув-машғулотлар давом эттирилади.
12 февраль куни "шерлар" Чемпионлар лигаси 2-саралаш босқичи доирасида Ироқнинг "Эйр Форс" жамоасига қарши Тошкентда майдонга тушишади.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар