Пэдди Пимблетт: "Агар мазкуз ҳолат юз берса, мен Илия Топурия билан жанг қилмайман"

31 ёшли британиялик жангчи Пэдди Пимблетт амалдаги чемпион Илия Топуриянинг рафиқаси билан судлашуви туфайли фаолиятини вақтинча тўхтатиш қарорига изоҳ берди.

"Мен чиндан ҳам Илия билан жанг қилишни хоҳлайман. Ҳаммага уни мағлуб эта олишимни кўрсатмоқчиман, лекин Топурия мени Том Аспиналл Жон Жонсни кутганидек кутишга мажбур қилса, бу жанг бўлмайди. Агар мазкуз ҳолат юз берса, "Матадор" камарни бўшатиши керак", - деди Пэдди Том Аспиналлнинг YouTube каналида.

Эслатиб ўтамиз, 24 январь куни "UFC 324" турнирида Пимблетт енгил вазндаги вақтинчалик чемпионлик камари учун Жастин Гэтжига қарши жанг қилиши режалаштирилган.