Пэдди Пимблетт: "Александр Волкановски енгил вазндаги камар учун жанг қилиши мумкин"

UFC нинг енгил вазн тоифаси рейтингида бешинчи ўринни эгаллаб турган Пэдди Пимблетт ярим енгил вазн чемпиони Александр Волкановскининг кейинги режаларини тахмин қилди.

"Агар мен Жастин Гэтжини, Волкановски эса Диего Лопесни мағлуб этса, интрига яна-да ошади. Енгил вазн унвони менда бўлса, Александр бунга қўшимча камарни қўлга киритиш учун идеал имконият, деб қарайди ва битта юқори дивизионга кўтарилади. Бироқ уни ҳурмат қилсам ҳам, австралияликка қарши октагонга чиқишни истамайман. Эътиборимни унданда кучлироқ даъвогарларга қаратаман", - деди Пэдди Том Аспиналл билан подкастда.

Эслатиб ўтамиз, Пимблетт ва Гэтжи 25 январь куни "UFC 324" турнирида, Волкановски ва Лопес 1 февраль "UFC 325" турнирида ўзаро тўқнаш келади.