Педри жароҳатлардан қочиш сирини айтди

"Барселона" ярим ҳимоячиси Педри жисмоний ҳолати ва барқарор ўйин кўрсатиш сирлари ҳақида фикр билдирди.

"Жароҳатлардан имкон қадар қочишим учун етишмаётган жиҳат — жисмоний тайёргарлик калитини топдик. Менга керак бўлган барқарорликка эришдим. Залдаги куч машқлари бераётган натижалар ҳайратланарли", — деди Педри "Barça Universal" нашрига.

23 ёшли футболчи жорий мавсум барча мусобақаларда 39 та учрашувда иштирок этиб, 2 та гол урди ва 11 та голли узатма амалга оширди.

2 май куни "Барселона" Ла Лиганинг 34-турида сафарда "Осасуна"га қарши майдонга тушади. Учрашув Тошкент вақти билан тунги 00:00'да бошланади.