Пенальтилар сериясида 11 метрдан 44 та зарба берилди. Бу ҳали рекорд эмас

Ирландия кубоги доирасида қизиқ ҳолат юўберди. “Баллимена” ва “Баннсайдерс” клублари ўртасидаги учрашувнинг асосий вақти 1:1 ҳисобидаги дуранг билан якунланди.

Ғолиб пенальтилар сериясида аниқланди. Унда томонлар жами 44 та зарба берди. Натижада “Баннсайдерс” жамоаси 18:17 ҳисобида ғолиб чиқди.

Бу натижа футбол тарихидаги энг узоқ давом этган пенальтилар орасида учинчи кўрсаткич сифатида қайд этилди.

Рекорд Англия жамоалари – “Вашингтон” ва “Бедлингтон” баҳсида ўрнатилган. Ҳар икки жамоа вакиллари умумий ҳисобда 11 метрлик белгидан 54 марта зарба берган.

Иккинчи натида ҳам Англияда қайд этилган. “КК Пэлас” ва “Чивик” жамоалари ўртасидаги пенальтилар сериясида мухлислар 48 та зарба кўрган.