Перес “Реал”га суперфутболчи олиб берадиган бўлди

“Реал” президенти Флорентино Перес ёзги трансферлар даврида жамоаси таркибини сезиларли даражада кучайтириш мақсадида катта трансферга қўл урмоқда.

Клуб хўжайини янги бош мураббий ким бўлишидан қатъи назар, жамоага “Реал Сосьедад” етакчиси Мартин Субимендини олиб келишга қарор қилган.

26 ёшли футболчи беш йилдан бери “Реал Сосьедад” асосий таркибида барқарор ўйин намойиш қилиб келмоқда. Сан-Себастьян клуби раҳбарияти Мартиндек юқои  салоҳиятли ўйинчини узоқ ушлаб қола олмаслигини билади ва бу трансфердан мўмай даромад ишлаб олиш имкониятидан фойдаланиб қолмоқчи.

Флорентино Перес Субименди Европанинг қатор гранд клублари нишонида турганини инобатга олиб, унинг трансферини тезлаштиришга ҳаракат қиляпти.

Transfermarkt порталида бу футболчи 60 миллион еврога баҳоланмоқда. “Реал Сосьедад” билан яна икки йиллик келишуви қолган Мартин юқори мақсадлар учун курашадиган қудратли клубларга ўтишга мойиллик билдирмоқда. Бу борада “Реал” Субименди учун идеал вариант ҳисобланади.