Пети: "Мен ПСЖ ҳақидаги фикримни ўзгартирдим"

Собиқ француз футболчиси ва "Арсенал" афсўнаси Эммануэль Пети ПСЖ ҳақидаги шахсий муносабатини қайта кўриб чиқди. Унинг фикрича, Луис Энрике келганидан кейин парижликлар янги йўналиш ола бошлади.

"Мен Луис Энрикенинг шахсий мухлиси эмас эдим. У билан “Барса”да бир йил ўйнаганман. Лекин бугун мен унинг ишлари ва жамоа намойиш этаётган ўйинидан жуда мамнунман" – деди Пети.

"Илгари ПСЖ мен учун кўнгилбузар жамоа эди. Улар ўзини жуда мағрур тутишарди. Улардан: “Пулимиз билан ҳаммасини сотиб оламиз”, деган сингари сигналлар тарқаларди. Мен Ибрагимович давриданоқ бу жамоани кўришни истамасдим, телевизорни ўчирардим. Уларнинг муомаласи мени безор қиларди.

Футбол бу жамоавий иш. Ҳамма ўз ролини билиши, қоидаларга риоя қилиши керак. Агар ортиқча эго бошқара бошласа – ҳамма нарса барбод бўлади.

Энрикеда нафақат яхши тактик фикр бор, балки у жамоавий руҳ ярата олди. У оддий инсон сифатида табассум қилади, французча гапиришга ҳаракат қилади. Менга шундай туюлаяптики, клубнинг умумий имиджини ўзгартириш бўйича ҳам кўрсатмалар берилган ва мен буни олқишлайман" - дея ўз сўзларини якунланди "Арсенал"нинг собиқ футболчиси!