PFL O‘zbekiston kubogi bo‘yicha muhim xabarni e’lon qildi!

Xabaringiz bor, ayni paytda O‘zbekiston kubogida guruh bosqich uchrashuvlari davom ettirilmoqda. O‘zbekiston Professional futbol ligasi matbuot xizmati musobaqaning keyingi bosqichlari bo‘yicha muhim ma’lumotlar haqida xabar berdi.

"6 guruh yakunlariga ko‘ra, har bir guruhda dastlabki ikki o‘rinni qo‘lga kiritadigan klublar 1/8 final ishtirokchisiga aylanadi. Shuningdek, guruhlarda eng yaxshi uchinchi natija ko‘rsatgan 2 ta klub ham 1/8 finalda ishtirok etadi. Bilasiz, Osiyo Chempionlar ligasining guruh bosqichida ishtirok etuvchi klublarimiz – “Paxtakor” va “Nasaf” ham mamlakat kubogidagi ishtirokini aynan mana shu bosqichdan boshlaydi.

1/8 finaldan boshlab to finalga qadar bo‘lgan pley-off juftliklariga alohida qur’a yordamida aniqlik kiritib olinadi.

Guruh g‘olibligi uchun kurashni ta’minlash maqsadida 1/8 final bosqichiga qur’a tashlash marosimida guruh g‘oliblari alohida savatda bo‘ladi va ular ushbu bosqichda bir-biri bilan, shuningdek, Osiyo Chempionlar ligasining guruh bosqichida ishtirok etuvchi klublar bilan to‘qnash kelmaydi. Bir o‘yindan iborat uchrashuvlarga kim mezbonlik qilishi qur’a yordamida aniqlab olinadi", - deyiladi xabarda.