Пике ва Шакира муҳим масалада муросага кела олмаяпти

"Барселона" ҳимоячиси Жерар Пике ва қўшиқчи Шакира фарзандларининг қаерда яшаши борасида келиша олмаяпти. Маълумки, эр-хотиннинг 9 ва 6 ёшли икки фарзанди бор

Lavan Guardia хабарига кўра, футболчи ва хонанда аллақачон адвокатлик фирмаларига мурожаат қилган ва бу борада музокаралар олиб бормоқда.

Маълумки, Шакира болаларни ўзи билан Маямига олиб кетишни ва у ерда яшашни таклиф қилган. Пике болаларнинг туғилганиданоқ таниш бўлган муҳит билан хайрлашишига қарши.

Эслатиб ўтамиз, Пике ва Шакира 2011 йилдан бери муносабатларда бўлиб, улар расман никоҳдан ўтмаган.