Пирло: "Барселона"нинг инқирозда эканига ишонмайман

“Ювентус” бош мураббийи Андреа Пирло УЕФА Чемпионлар лигаси гуруҳ босқич сўнгги туридан ўрин олган “Барселона”га қарши ўйиндан олдин ўз фикрларини билдириб ўтди.

“Ушбу ўйин бизнинг ўсишимиз учун айниқса муҳимдир. Гуруҳда биринчи бўлиш ажойиб бўлар эди, лекин бундан ҳам яхшироғи чиройли ўйин кўрсатишдир.

Биз муваффақиятга ишонишимиз керак. Бу қийин бўлади, лекин биз ўз имкониятларимиздан фойдаланишимиз кераклигини биламиз. Йўқотадиган нарсамиз йўқ ва шу сабабли ўйинда ҳамма нарса бўлиши мумкин.

Буффонми? У жуда яхши формада ва ўйнай олади. Умуман олганда мен "Барселона" инқирозига ишонмайман, улар ажойиб жамоа”, - деди Пирло.