Пирло Роналдуни ўйнатмайдиган бўлди

“Ювентус” бош мураббийи Анреа Пирло А Сериянинг 9-турида жамоа тўпурари Криштиану Роналдуни ўйнатмасликка қарор қилди.

Италиялик мутахассис  лига дебютанти “Беневенто” қарши учрашувда 35 ёшли ҳужумчидан фойдаланмоқчи эмас ва унга дам берадиган бўлди. Умуман олганда, Пирло мавсум бошланишидан аввал Роналдуни асосан муҳим ўйинларда майдонга туширишини айтганди.

“Ювентус” ҳозирча 16 очко билан мусобақа жадвалида тўртинчи ўринда бормоқда. Роналду эса шу пайтгача А Серияда бешта учрашувда майдонга тушиб, саккизта гол урди.

Матнда хатолик топсангиз, ўша хатони белгилаб, бизга жўнатинг (Ctrl + Enter)