Почеттино: "Бу мамлакатда футболга ёқимли ўйин сифатида қарашади"

Маурисио Почеттино АҚШда футболга бошқача муносабатда бўлишларини таъкидлади.

- Мен буни қизиқарли синов деб ҳисоблайман. Бу биргаликда мерос қолдириш ва тарихга кириш учун ажойиб имконият. АҚШдаги муаммо шундаки, бу ерда футболга шунчаки ёқимли ўйин сифатида қаралади. Бошқа мамлакатларда эса бу курашиш, жанг қилиш керак бўлган ўйин.

Биз футбол жамоавий ўйин эканлигини, АҚШ терма жамоаси эса шунчаки номдан кўра кўпроқ нарса эканлигини тушунишимиз керак, - деди АҚШ терма жамоасининг бош мураббийи Почеттино.

Аргентиналик мутахассис 2024 йил сентябрда АҚШ миллий терма жамоасига бош мураббий этиб тайинланган эди.