Погба Моуриньо билан ўзаро адовати ҳақида гапирди

Туриннинг “Ювентус” клуби ярим ҳимоячиси Поль Погба португалиялик мураббий Жозе Моуриньо билан муносабатлари ҳақида гапирди. Улар "Манчестер Юнайтед"да бирга ишлашган.

“Жозе билан ўзаро дўстона муносабатда эдик. Биз жанжаллашдик, лекин кейин ярашдик. Кейинроқ нега ҳаммаси адоватга айланганини билмайман. Мен, албатта, бу можарони бошламаганман. Мураббий ва футболчи ўртасида бўлгани каби бизда ҳам турлича фикрлар бор эди. Лекин мен уни жуда ҳурмат қиламан", - деди Погба Daily Mail нашрига.

Эслатиб ўтамиз, Погба март ойида яна футбол майдонига қайтиши мумкин. Унинг допинг тақиқи 4 йилдан 1,5 йилга қисқартирилди.