Погба пулни танлайдими ёки "Ювентус"ни?

"Ювентус" ярим ҳимоячи Поль Погба билан музокараларда ПСЖни енгишига ишоняпти. 

Таниқли инсайдер Фабрицио Романонинг сўзларига кўра, Турин клуби Погба ПСЖ кўпроқ пул таклиф қилишига қарамай, унинг "бьянконерилар" сафига қайтишни хоҳлаётганини билади.

"Ювентус" яқин кунларда франциялик футболчининг агентлари билан боғланиб, эҳтимолий трансферни муҳокама қилмоқчи. Полнинг ўзи ҳозирча келажаги борасида аниқ бир қарорга келмаган. 

Хабарингиз бор, шу йили ёзда 29 ёшли плеймейкернинг МЮ билан шартномаси якунига етади.