Погба “Ювентус” билан қачон шартнома имзолаши маълум

“Манчестер Юнайтед” собиқ футболчиси Поль Погбанинг “Ювентус” билан қачон шартнома имзолаши аниқ бўлди.

Журналист Фабрицио Романонинг хабар беришича, ярим ҳимоячи ҳафта охирида Туринга учиб кетади.

9-июль, шанба куни эса 29 ёшли франциялик “кекса синьора” билан битим имзолагани расман маълум қилинади.

Аввалроқ Поль клуб билан 4 йиллик шартнома борасида келишиб олганлиги ҳақида хабар қилинган эди. Унинг МЮ билан шартномаси ўтган ой охирида якунига етган бўлиб, туринликлар сафига эркин агент мақомида қўшилади.

Якунига етган мавсум футболчи “қизил иблислар”нинг барча мусобақалар доирасидаги 26 та ўйинида майдонга тушиб, ўз ҳисобига битта гол ва 9 та голли узатмани ёздириб қўйган.