Погбанинг ҳолати ҳақида маълумот берилди

"Ювентус" бош мураббийи Массимилиано Аллегри шогирди Поль Погбанинг ҳолати ҳақида фикр билдирди.

"Унинг тиззасидаги оғриқ аллақачон йўқолган. Поль ҳозир бемалол югурмоқда. Агар шундай давом этса, яқин 15-20 кун ичида жамоавий машғулотга қўшилиши мумкин. 

У барчасини босқичма-босқич ўтказмоқда. Кўрамиз, қачон сафга қайтар экан",-деди италиялик мутахассис.

29 ёшли ярим ҳимоячи ўтган ёзда "Манчестер Юнайтед"дан туринликлар таркибига келиб қўшилганди. У жароҳати туфайли жорий мавсум ҳали майдонга тушмади.