"Порту" президенти Касильяснинг фаолияти борасида муҳим хабарни эълон қилди

"Порту" клуби президенти Жорже Нуну Пинту да Кошта жамоа дарвозабони Икер Касильяс профессионал фаолиятини якунламоқчилиги ҳақида гапириб ўтди.

Эслатиб ўтамиз, бундан аввалроқ Касильяс Испания футбол федерацияси президентлигига ўз номзодини қўймоқчилиги ҳақида хабарлар тарқалган эди.

Президентнинг сўзларига кўра Касильяс ўз номзодини қўйишдан олдин “Порту”га келган ва профессионал фаолиятини якунламоқчилиги ҳақида айтган.

“Мен унинг янги режалари ҳақида эшитиб жуда хурсанд бўлдим. Уни соғиниб қоламан”, - дейди Кошта.

Маълумот учун, 38 ёшли Касильяс бутун фаолиятини “Реал” ва “Порту” клубларида ўтказди. Испания терма жамоаси сафида эса 167 та ўйинда майдонга тушиб, ўз дарвозасидан 94 та гол ўтказиб юборган.

Фикрлар

Фикр қолдириш учун авторизациядан ўтинг!