Португалия футбол федерацияси Роналду масаласига ойдинлик киритди

Португалия Футбол федерацияси президенти Педру Проэнса миллий жамоа етакчиси Криштиану Роналду ва терма жамоа бош мураббийи Жорже Жезуш ўртасида келиб чиққан вазият юзасидан расмий баёнот берди.

Проэнса Роналдуни португал футболи рамзи сифатида таърифлаб, унинг миллий жамоа ва бутун мамлакат олдидаги хизматларини алоҳида қайд этди. Федерация раҳбарининг таъкидлашича, Роналдунинг терма жамоада бўлиши тўлиқ асосли ва бу борада шубҳага ўрин йўқ.

«Криштиану ва Жорже Жезуш ўртасида содир бўлган ҳолат – бу шунчаки ички тушунмовчилик, уни жамоа ичида ҳал қилиш керак», – дея Проэнсанинг сўзларини Фабрицио Романо келтиради.

Федерация президентига кўра, Миллатлар лигасидаги тўртта учрашувдан сўнг вазиятни хотиржам таҳлил қилиш ва тўғри қарор қабул қилиш вақти етди. У шунингдек, Роналду Португалия футболи тарихидаги энг яхши футболчи экани ва маҳаллий мухлислар учун ҳақиқий рамзга айланганини эслатиб ўтди.