Португалия футболчиларидан ҳеч бири Роналдунинг Жезуш билан можароси ҳақидаги постига муносабат билдирмади

A Bola нашри маълумотига кўра, Португалия терма жамоаси футболчиларидан ҳеч бири Криштиану Роналдунинг жамоани тарк этишига изоҳ берган постига лайк босмаган ва комментарий қолдирмаган.

Эслатиб ўтамиз, 41 ёшли футболчи бош мураббий Жорже Жезуш 27 сентябрь куни Норвегияга қарши учрашувда уни майдонга туширмасликка қарор қилганидан сўнг миллий жамоа қароргоҳини тарк этган. Шундан сўнг Роналду баёнот эълон қилиб, Жезушни унга берилган ваъдаларни бузганликда айблаган. Жумладан, футболчи мураббий матбуот анжуманида Криштиану билан келишилган гаплардан бошқача фикр билдирганини таъкидлаган.

Роналдунинг Instagram'даги пости 18 миллиондан ортиқ лайк ва 62 мингдан зиёд комментарий тўплаган. Facebook'да эса ушбу публикацияга 1,5 миллиондан ортиқ реакция билдирилган ва 62 мингга яқин комментарий қолдирилган.