Португалия собиқ бош мураббийининг янги иш жойи маълум

Португалия терма жамоаси собиқ бош мураббийи Фернанду Сантуш мураббийлик фаолиятини Польшада давом эттиради. 

Польша футбол иттифоқи президенти Сезари Кулеша ижтимоий  тармоққа 68 ёшли мураббий билан тушган суратини жойлаштирди. 

Маълум бўлишича, унинг олдига Евро-2024 йўлланмасига эга чиқиш вазифаси қўйилган. 

Қайд этиш лозим, Сантуш бошчилигидаги Португалия термаси ЖЧ-2022'да иштирок этиб, чорак финалда Марокашга имкониятни бой берган. Шундан сўнг, тажрибали мутахассис лавозимидан озод этилди. Айни дамда Португалия унинг ўрнига Роберто Мартинесни бош мураббий этиб тайинлаган.