Португалия Хорватияга ҳеч қандай имкон қолдирмади

УЕФА Миллатлар Лигаси 2020/2021 йилги мавсуми А лига 1-турида ўрин олган Португалия - Хорватия учрашуви ўз якунига етди. Унда Фернанду Сантуш шогирдлари 4:1 ҳисобидаги ғалабага эришди.

Шу тариқа, расмий беллашувлардаги Хорватиянинг Португалияга қарши мағлубиятли серияси давом этадиган бўлди.

• 90'
  

  Учрашув якунланди. Матнли трансляцияни Абдулвосид Валихонов олиб борди. 

• 90+'
  

  ГООООООООООООООЛЛЛЛЛЛЛЛЛЛЛ!!! Андре Силва бурчакдан узатилган тўпни дарвозага жойлаб қўйди.

• 90+'
  

  Жотанинг ажойиб зарбаси Ливакович томонидан қайтарилди. Супер сейв.

• 90+'

  Геррейрунинг узатмасига Андре Силва етиб кела олмади.

• 90+'
  

  ГОООООООООООООООЛЛЛЛЛЛЛЛЛЛЛЛ!!! Петкович ҳисобни қисқартирди.

• 90+'
  

  Учрашув асосий вақтига 4 дақиқа қўшиб берилди.

• 88'
  

  Жоау Фелиш ўрнига Андре Силва майдонга тушди.

• 87'

  Брозовичнинг жарима майдони ташқарисидан берган зарбаси ноаниқ кетди.

• 82'
  

  Сержиу Оливейра Моутиньо ўрнига майдонга тушди.

• 81'

  Диаш Хорватиянинг қанотдан узатган тўпини узоқлаштиришга эришди.

• 80'

  Тринкау ўткирроқ бурчакдан зарба йўллашга қарор қилди. Бор кучи финтга кетгани сабаб зарба ноаниқ кетди.

• 78'
  

  Бернарду Силва ўрнига Тринкау майдонга тушди.

• 77'

  Хорватия ваниҳоят ҳужумга ўтди. Португалия ҳимояда хотиржам ўйнамоқда.

• 74'
  

  Крамарич ўрнига Петкович майдонга тушди.

• 72'

  Моутиньонинг узоқ масофадан берган зарбаси ноаниқ кетди.

• 71'
  

  ГООООООООООООООООЛЛЛЛЛЛЛЛ!!!Жоау Фелиш жарима майдони ташқарисидан ажойиб зарба йўллади. Ливакович ожиз қолди.

• 69'
  

  Крамарич офсайдда қолиб кетгани сабаб хорватларнинг қарши ҳужуми барбод бўлди. 

• 66'
  

  Баришичга тиббий ёрдам кўрсатилди.

• 65'

  Фернандеш яхши вазиятга чиқиб бориши мумкин эди. Ҳакам ўйин қоидаси бузилганини қайд этди. Тортишиб кўрса бўлади.

• 62'
  

  Брозович Пашаличнинг ўрнига майдонга тушди.

  Брекало эса ўз ўрнини Перишичга бўшатиб берди.

• 61'
  

  Йедвай сариқ карточка олди.

• 58'
  

  ГОООООООООООООООЛЛЛЛЛЛЛЛЛ!!! Жота ҳисобни ишончли кўринишга олиб келиб қўйди. Диогудан ажойиб юриш ва гол.

• 57'

  Бернардунинг узатмасидан сўнг Фернандеш дарвозага зарба берди. Ливакович тўпни ушлаб олди.

• 55'

  Фернандеш жаримадан ноаниқ зарба берди.

• 51'

  Португалия иккинчи таймни ҳам фаол бошлади.

• 50'

  Жота офсайдда қолиб кетгани сабаб португаллар ҳужуми тўхтатилди.

• 47'
  

  Хорватия футболчисига тиббий ёрдам кўрсатилмоқда.

• 46'
  

  Иккинчи тайм бошланди.

• 45'
  

  Ҳакам биринчи бўлимга ҳеч қандай вақт қўшмади. Танаффус.

• 44'

  Крамаричнинг чапроқдан тепган тўпи дарвозага бориб тушмади. Яхши ўйланган зарба эди.

• 41'
  

  ГОООООООООООООООЛЛЛЛЛЛЛ!!! Канселу супер гол урмоқда. Узоқ масофадан берган зарбаси Ливакович учун қайтариб бўлмас даражада эди.

• 39'
  

  Бурчакдан узатилган тўпни дарвозабон яна қайтарди.

• 38'

  Фелиш яхши пас ўйлаганди. Аммо тўпни қабул қилиб олган Жота ҳужумни муносиб давом эттира олмади.

• 37'

  Крамарич тўпни узатишга кечикди. Данило тўпни майдон ташқарисига чиқариб юборди

• 34'

  Португалларнинг яна бир зарбасидан сўнг тўп дарвоза устунига тегиб қайтди. Ливаковичга теккан тўп сал бўлмаса автоголга айланиши мумкин эди.

• 33'

  Канселунинг жарима майдони марказига узатган навбатдаги тўпи ҳимоячилар томонидан қайтарилди.

• 32'

  Фернандешнинг узатмасига Канселу етиб кела олмади. 

• 30'

  Ҳимояга ёрдамга келган Фелиш жамоасини голдан асраб қолди. Хорватиядан ажойиб қарши ҳужум.

• 28'

  Жота ўнг қанотдан тезликда ёриб кириб, зарба йўллади. Тўп дарвоза тўрига ён тарафдан тегди.

• 27'

  Жотанинг яна бир зарбаси дарвоза устунига тегди.

• 26'
  

  Яна бир бурчак зарбаси Данило Перрейранинг бош билан берган ноаниқ зарбаси билан якунланди.

• 25'
  

  Бурчак зарбасидан сўнг Португалияда бир нечта вазият бўлди. Ҳар гал Ливакович қаҳрамонларча тўпни қайтарди.

• 23'

  Фелишнинг зарбасидан сўнг тўп дарвоза устунига тегди. Қайтган тўпга Геррейру зарба йўллади. Ливаковичдан яна бир сейв.

• 21'
  

  Жота офсайдда қолиб кетгани сабаб португаллар ҳужуми тўхтади. 

• 19'
  

  Канселу ўз қанотидан рейд уюштириб, оёғининг ташқи томони билан зарба берди. Ливаковичдан супер сейв.

• 18'

  Бруну тўпни жарима майдони марказида тўпни қабул қилиб олди. Аммо у зарба беришнинг уддасидан чиқмади.

• 16'

  Португалиялик ҳимоячилар мудофаада ишончли ҳаракат қилмоқда.

• 15'

  Фернандеш ажойиб тарзда тўпни Фелишга қолдирди. Унинг зарбаси эса ҳимоячиларга тегди.

• 13'

  Бернардунинг жарима майдонига узатмаси ҳимоячилар томонидан қайтарилди.

• 9'

  Брунунинг жарима майдони ташқарисидан берган зарбаси Ливаковичнинг қўлларига бориб тушди.

• 7'

  Хорватлар бир-бирини тушунмагани сабаб ҳужум барбод бўлди. Тўп йўқотилди.

• 5'

  Фелиш жуда ажойиб ҳаракатлари билан жарима майдонига ёриб кирмоқчи бўлди. Аммо комбинацион ўйин охиригача етмади.

• 3'
  

  Бурчакдан узатилган тўпни дарвозабон эгаллаб олди.

• 2'
  

  Крамаричнинг зарбаси ўйиндаги вазиятларни очиб берди. Лопеш тўпни қайтаришга эришди.

• 1'
  

  Ўйин бошланди!

• 0'

  Португалия ва Хорватия терма жамоалари майдонда саф тортишди. Мадҳиялар янграмоқда.

• 0'

  Ассалому алайкум, еврофутбол мухлислари.