Португалиянинг собиқ бош мураббийи Сантушни Осиёда кутишмоқда

Португалия миллий терма жамоасининг собиқ бош мураббийи Фернанду Сантуш айни пайтда ишсиз юрибди.

Машҳур инсайдер Фабрицио Романо тарқатган хабарга кўра, унга молиявий томондан анча манфаатли бўлган бир нечта таклиф бор. Хусусан, Европа ҳамда Хитой клублари Сантуш хизматига қизиқиш билдиряпти.

Маълум бўлишича, 68 ёшли мутахассис фаолиятини Осиёда давом эттиришга яқин турибди. Унинг охирги иш жойи Португалия терма жамоаси бўлганди. Фернанду Жаҳон чемпионатидаги муваффақиятсизликдан сўнг истеъфога чиқарилди.