"Порту"нинг 2 нафар футболчиси ёзда "Атлетико"га кўчиб ўтадиган бўлди

“Порту” клубининг бирданига икки нафар футболчиси ёзда “Атлетико” Мадридга кўчиб ўтади.

A Bola нашри тарқатган хабарга кўра “матрасчилар” “Порту” билан ҳимоячи Алекс Теллеснинг трансфери бўйича келишувга эришишган. Мадридликлар 26 ёшли бразилиялик футболчи учун 30 миллион евро тўлашади. Таъкидлаш керакки, Теллеснинг шартномасига кўра товон пули 40 млн евро этиб белгиланган.

Эслатиб ўтамиз, бундан ташқари “Порту” хавбеки Эктор Эррера ҳам ёзда эркин агент сифатида айнан “Атлетико”га кўчиб ўтади.