"Portu"ning 2 nafar futbolchisi yozda "Atletiko"ga ko‘chib o‘tadigan bo‘ldi

“Portu” klubining birdaniga ikki nafar futbolchisi yozda “Atletiko” Madridga ko‘chib o‘tadi.

A Bola nashri tarqatgan xabarga ko‘ra “matraschilar” “Portu” bilan himoyachi Aleks Tellesning transferi bo‘yicha kelishuvga erishishgan. Madridliklar 26 yoshli braziliyalik futbolchi uchun 30 million evro to‘lashadi. Ta’kidlash kerakki, Tellesning shartnomasiga ko‘ra tovon puli 40 mln evro etib belgilangan.

Eslatib o‘tamiz, bundan tashqari “Portu” xavbeki Ektor Errera ham yozda erkin agent sifatida aynan “Atletiko”ga ko‘chib o‘tadi.