Престианни УЕФАга Винисиусни қандай сўзлар билан ҳақоратлаганини айтиб берди

УЕФА Чемпионлар лигаси доирасидаги "Бенфика" - "Реал" ўйинида юзага келган можаро билан шуғулланмоқда. Маълумки, Винисиус Жуниор Жанлука Престианини ирқчилик руҳидаги ҳақоратда айблаган эди.

ESPN'га маълум бўлишича, Престианни УЕФАга кўрсатма берган. "Бенфика" футболчиси испан тилида ирқчилик деб ҳисобланадиган "mono" сўзини айтганини рад этмоқда. Аргентиналикнинг сўзларига кўра, у "m" ҳарфига мос келадиган бошқа сўзни талаффуз қилган - бу ҳам ҳақорат, лекин ирқчилик эмас. Бу сўз ноанъанавий жинсий йўналишдаги эркакни англатади.

Айтиш жоизки, Жанлука Престианни воқеа пайтида футболка билан оғзини тўсган, шунинг учун лабдан ўқиш бўйича мутахассисларни жалб қилиш бефойда.

"Реал" сафарда "Бенфика"ни 1:0 ҳисобида мағлуб этди.