Престианни Винисиус билан боғлиқ можаро юзасидан жамоадошларига тушунтириш берди

"Бенфика" футболчиси Жанлука Престианни Винисиус Жуниор билан юз берган можаро бўйича жамоадошлари билан суҳбатлашди.

Чемпионлар лигаси доирасида Португалияда ўтказилган учрашув давомида "Реал" вингери ҳакамга аргентиналик футболчи уни маймун деб атагани ҳақида шикоят қилган эди.

"Correio da Manhã" хабарига кўра, УЕФА томонидан бир ўйинга четлатилган Престианни жамоадошларига ҳақиқатан ҳам ирқий мазмундаги ҳақорат ишлатганини тан олган. Шу билан бирга, у ўзини ирқчи эмаслигини ва бундай кўриниш беришни истамаганини таъкидлаб, ўзини ҳимоя қилувчи бир нечта фактларни келтирган.