Про лига. "Андижон-SGS" "Юниред" устидан сўнгги дақиқаларда ғалабани илиб кетди. "Хоразм" "Ғиждувон" билан муроса кўчасини танлади
Про лиганинг 9-туридан ўрин олган икки учрашув якунланди. Улардан бирида "Андижон-SGS" Самарқанднинг "Юниред" клубини 2:1 ҳисобида енгди.
Дастлаб, самарқандликлар аъзоси Анваржон Файзуллаев 28 дақиқада бурчакдан узатилган тўпни дарвозага аниқ йўллаб, ҳисобни очди. Орадан икки дақиқа ўтиб, Шаҳзод Жумабоев учрашувда мувозанатни тиклади. Ўйинга қўшиб берилган дақиқада, аниқроғи 90+4 дақиқада Абдушукур Марҳаматов жамоасининг ғалаба голини киритди.
Шу тариқа, андижонликлар 3 очкони қўлга киритди.
Турнинг яна бир қарама-қаршилиги "Хоразм" ва Бухоронинг "Ғиждувон" жамоалари ўртасида кечди. Ўйин нурсиз дуранг билан якунланди.
Баъзида дарвозабонлар катта саҳнага чиққан бўлса, баъзида футболчиларга омад етишмади.
Фикрлар