Про лига. Сўнгги турда қайд этилган натижалар билан танишинг!

Про лиганинг 2023 йилги мавсуми якунланди. Бу мавсум чемпионлигини "Локомотив" 48 очко билан қўлга киритди. Самарқанднинг "Динамо" клуби 41 очко билан иккинчи ўринни эгаллади. 

Сўнгги турда мухлислар "Навбаҳор-Фарм" - "Локомотив", "Юниред" - "Арал", "Шўртан" - "Динамо", "Машъал" - "Хоразм" ва "Ғиждувон" - Қўқон-1912" қарама-қаршиликлари гувоҳи бўлди.

"Навбаҳор-Фарм" - "Локомотив" баҳси меҳмонларнинг 3:1 ҳисобидаги ғалабаси билан якунланди. Голларга Али Абдураҳмонов 21 (0:1), Анвар Алижонов 37 (0:2), Али Абдураҳмонов 43 (0:3) ва Алижон Алижоновлар 47 (1:3) муаллифлик қилди.

"Юниред" - "Арал" ўйини 1:1 ҳисобидаги дуранг билан тугади. Асомиддин Маматов 88-дақиқада ҳисобни очган бўлса, Норхон Шерипов, 93-дақиқада ҳисобни тенглаштирди. "Арал" аъзоси Дамир Низанов 70-дақиқада қизил карточка олиб майдонни эрта тарк этди.

"Шўртан" - "Динамо" баҳси анча қизғин кечди. Унда ғузорликлар 2:1 ҳисобида ғалаба қозонди. Зафар Полвонов 78-дақиқага келиб ҳисобни очган бўлса, Душан Мийич 90+14да ўз дарвозасини ишғол қилиб қўйди (2:0). Жавлонбек Маликов 90+16-дақиқада пенальтидан гол урди. Бундан ташқари, Зафар Полвонов бугун футболчилик фаолиятини якунлади. 

"Машъал" - "Хоразм" учрашувида Камронбек Абдулҳамидов 72-дақиқада киритган голи ўйин тақдирини ҳал қилди. Бу гол  "Машъал"га ғалаба келтирди.

"Ғиждувон" - Қўқон-1912" ўйинида "отишма" бўлди. Қўқон жамоаси рақиб дарвозасига 8та гол урди ва ўз дарвозасидан битта тўп олиб чиқди. Голларга Дониёр Исмаилов14 (0:1), Дониёр Исмаилов 52 (0:2), Анваржон Ҳожимирзаев 63 (0:3), Анваржон Ҳожимирзаев 66 (0:4), Темур Тулегенов 67 (1:4), Муроджон Комилов 71 (1:5), Шаҳзод Бешимов 77 (1:6), Санъат Шихов 78 (1:7), Авазхон Маматхўжаев 83 (1:8) муаллифлик қилди.

Турнир жадвалидаги ҳолат қуйидагича: