ПСЖ 35 ёшли футболчига янги келишув, 26 ёшлисига эса чиқиш эшикларини кўрсатмоқда

"Пари Сен-Жермен" ярим ҳимоячиси Юлиан Дракслер ёзги трансфер ойнаси вақтида клубни тарк этмоқчи эмас. Бу ҳақида Footmercato нашри хабар бермоқда.

Олдинроқ, парижликлар 26 ёшли германиялик футболчига янги клуб излашини айтишганди. Дракслер эса амалдаги шартномаси якунлангунича Париж клубида қолишни режалаштирмоқда.

ПСЖнинг бразилиялик ҳимоячиси Тиаго Сильва эса клуб билан бир йиллик келишув имзолашга яқин турибди. Аммо бунинг учун "фахрий футболчи" маоши қисқаришига рози бўлиши керак. Амалдаги шартномаси мавсум сўнггида якунланадиган 35 ёшли Сильва ҳозирда ПСЖда йилига 14,5 миллион евро ишлаб топади.