ПСЖ асосий рақобатчисини мағлуб этиб, 1 поғона юқорилади

УЕФА Чемпионлар Лигаси 4-туридан ўрин олган ПСЖ - "РБ Лейпциг" учрашуви ўз ниҳоясига етди. Унда мезбонлар 1:0 ҳисобида ғалаба қозонди.

Ўйиндаги ягона гол 11-дақиқада Неймар томонидан киритилди. Анхель Ди Мария ишлаган пенальтини бразилиялик футболчи аниқ амалга ошириб, жамоасига 3 очко келтирган гол муаллифига айланди.

Ушбу ғалабадан кейин парижликлар 6 очко билан "H" гуруҳида 2-поғонани банд этган. Худди шунча очкога эга "РБ Лейпциг" тўплар нисбатига кўра, 3-ўринда жойлашган.

ПСЖ

  • Неймар 11'

UEFA ЧЛ "Н" гуруҳи 4-тур

25/11/2020, 01:00

1
:
0
Тугади

РБ Лейпциг

    Стадион: Parc des Princes 0 томошабин

    Бош ҳакам: Danny Makkelie

    45'
    90'

    • 90+6'

      Учрашув якунланди! Матнли трансляция Жавоҳир Азимов томонидан олиб борилди.

    • 90+6'

      Парижликлар барча тўпларни узоқлаштирди.

    • 90+5'

      Сўнгги дақиқаларда меҳмонлар штурм уюштирмоқда.

    • 90+4'

      Рафиньянинг ўткир бурчакдан берга зарбасини дарвозабон қайтарди.

    • 90+2'

      ПСЖ ўйин сўнгини тўп назорати билан ўтказмоқчи. Бироқ немислар бунга рози эмас. Улар прессинг уюштиряпти.

    • 90'

      Асосий вақтга 6 дақиқа қўшиб берилди.

    • 89'

      Неймар ва Мбаппе майдонни тарк этди. Улар ўрнига Моизе Кин ҳамда Пабло Сарабия ўйинга қўшилди.

    • 87'

      Анхелиньо жамоаси учун муҳим бўлган ҳужумлардан бирини ноаниқ узатмаси билан кўкка совурди.

    • 84'

      Ҳозиргина майдонга тушган Вератти огоҳлантирилди. Ўйин кескин курашларга бой ўтяпти.

    • 84'

      Марко Вератти ўйинга қўшилди. У Андер Эррерани адмаштирди.

    • 82'

      Андер Эррера огоҳлантирилди.

    • 79'

      Немислар бу сафар ҳам бурчак зарбасидан гол ура олмади. Поулсеннинг зарбасига аниқлик етишмади.

    • 77'

      Тезкор қарши ҳужмга ўтаётган Хайдарани чалиб йиқитган Алькантара огоҳлантирилди.

    • 76'

      "Буқалар" бурчак зарбасидан наф чиқара олишмади.

    • 74'

      Неймар марказда йиқилиб тушди. Ҳакам унга ўриндан туриши кераклигини уқтирди.

    • 72'

      Рақибини алдаб ўтолмаган Неймар унга нисбатан қўполлик ишлатди. Бразилиялик футболчи жамоасининг қарши ҳужумини барбод қилди.

    • 69'

      Анхелиньо марказга тўп оширди. Иаркиньос уни катта қийинчилик билан қайтарди.

    • 66'

      Эмиль Форсбергнинг зарбаси кучсиз чиқди. Навас уни осонликча ушлаб олди.

    • 64'

      Анхель Ди Мария ўрнига Рафа Алькантара ўйинни давом эттиради.

    • 63'

      Меҳмонлар сафида Норди Мукиеле ҳамда Дани Ольмо захирага олинди. Улар ўрнига Вилли Орбан ва Жастин Клюйверт ўйинга қўшилди.

    • 60'

      Нагельсманн шогирдлари иккинчи 45 дақиқаликни фаолроқ ўтказяпти. Бироқ аниқ зарбадан дарак йўқ.

    • 57'

      Неймар бирга-бир вазиятга чиқишига ўз жойини ташлаб олдинга чиққан Гулачи йўқ қўймади.

    • 56'

      Мбаппе техник ҳаракатлари билан рақибини алдамоқчи бўлди. Бироқ Конате уни зарарсизлантиришни уддалади.

    • 53'

      Забицер ва Мбаппе тўп учун кураш олиб борди. Килиан рақибининг қўлини босиб олди. Забицерга тиббий ёрдам кўрсатилмоқда.

    • 51'

      Жарима майдони ташқарисидан Забицер омадини синаб кўрди. Бу сафар ҳам тўп дарвозага кирмади.

    • 49'

      Қанотдан узатилган тўпни Форсберг дарвозага йўллади. Хавфли чиққан зарба ноаниқ кетди.

    • 48'

      Бўлимни меҳмонлар ҳужум билан бошлади. Жарима майдонига узатилган тўпни Маркиньос узоқлаштирди.

    • 46'

      Иккинчи тайм бошланди!

    • 46'

      Футболчилар майдонга қайтди. Биз ҳам қайтамиз!

    • 45+2'

      Танаффус!

    • 45+1'

      Форсбергнинг зарбаси ноаниқ кетди.

    • 45'

      Биринчи бўлимга 1 дақиқа қўшиб берилди.

    • 43'

      Тайм сўнгида тўп назорати меҳмонлар томонда бўлиб турибди.

    • 41'

      Забицерга нисбатан очиқчасига қоида бузган Неймар огоҳлантирилди.

    • 39'

      Дарҳол қарши ҳужумга ўтган мезбонлар яхши вазият ярата олди: Мбаппе рақиб жарима майдонида тўп учун фаол кураш олиб борди ва йиқилди. Ҳакам ҳозирча жим.

    • 38'

      Хайдаранинг зарбасидан кейин тўп рекашет натижасида ноқулай кўриниш олди. Аммо Навас уни қайтара олди.

    • 35'

      Мбаппе дарвозабон билан бирга-бир вазиятга чиқиб бориши мумкин эди. Бироқ ҳимоячи унга ҳалал беришни уддалади.

    • 33'

      Футболчилар бироз асабларини жиловлолмай қолди. Ҳакам вазиятга аралашиб, уларни тинчлантирди.

    • 31'

      Ди Мария узоқ масофадан зарба берди. Тўп устун ёнидан ўтиб кетди.

    • 29'

      "Буқалар" рақиб дарвозаси қаршисида хавф туғдира олмаяпти.

    • 26'

      Забицер Мбаппега алданди ва уни йиқитди. Стандартдан жарима майдонига Неймар тўп оширди. Дарвозабон уни эгаллаб олди.

    • 24'

      Жарима тўпидан Нкунку пас амалга оширди. Бироқ шериклари унинг узатмасини дарвозага тўғирлаб юбора олмади.

    • 22'

      Ди Мариянинг жарима майдони ташқарисидан берган зарбасини дарвозабон ортиқча қийинчиликсиз эгаллаб олди.

    • 19'

      Мезбонлар орқа чизиқда тўпни бир-бирларига узатишда хатога йўл қўйди. Бироқ тезда яна тўпни олиб қўйишди.

    • 17'

      Назорат ҳамон парижликларда. Улар марказда тўпга эгалик қиляпти.

    • 15'

      Мбаппенинг узатмасидан кейин жарима майдонига ёриб кирган Неймар тўпни ўзига бўйсундира олмади. Ҳимоячилар уни зарарсизлантира олди. Бироқ тўпга яна эга чиққан Мбаппе зарба берди. Ноаниқ.

    • 13'

      Форсберг узоқ масофадан ўз омадини синаб кўрди. Зарбага аниқлик етишмади.

    • 12'

      Немислар голга реакция билдира олди. Аввалига Забицернинг зарбасини қайтарган Навас такроран зарба берган Упамеканонинг уринишини ҳам бартараф этди.

    • 11'

      ГООООООООООЛЛЛЛЛЛЛ! Неймар ҳисобни очди!

      11 метрлик нуқта қаршисига келган Неймар ўзидан ўнг бурчакка зарба йўллаб, дарвозабонни ожиз қолдирди.

    • 9'

      Иккинчи темп билан олдинга ўтган парижликлар пенальти ишлаб олди. Жарима майдони ичида Забицер Ди Марияни йиқитди.

    • 9'

      Стандарт вазиятдан Ди Мария узатма амалга оширди. Олдинроққа чиққан Гулачи тўпни ушлаб олди.

    • 6'

      Ҳар икки жамоа вакиллари биттадан ҳужум уюштирди. Бироқ тўп жарима майдонига кирмади.

    • 4'

      Меҳмонлар тўп назоратини қўлга олишга ҳаракат қиляпти.

    • 2'

      Эмиль Форсберг дастлабки дақиқалардаёқ Паредесга нисбатан анча жиддий қўполлик ишлатди. Ҳакам ҳеч иккиланмай унга карточка кўрсатди.

    • 1'

      Учрашув бошланди!

    • 0'

      Сардорлар иштирокидаги расмий жараёнлар ҳам ортда қолди. Ўйин бир неча дақиқалар ичида старт олади.

    • 0'

      Футболчилар майдонга тушиб келди. Чемпионлар Лигасининг ёқимли мадҳияси янгради.

    Матнда хатолик топсангиз, ўша хатони белгилаб, бизга жўнатинг (Ctrl + Enter)