ПСЖ Чемпионлар лигасидан 146 миллион евро ишлаб топди. "Арсенал"чи?

"The Athletic" ҳисоб-китобларига кўра, "Пари Сен-Жермен" жорий Чемпионлар лигаси мавсумида жами 146 миллион евро миқдорида мукофот пулига эга бўлди.

Финалда "Арсенал" устидан қозонилган ғалаба (1:1, пенальтилар сериясида 4:3) парижликларга қўшимча 6,5 миллион евро келтирди.

Шунингдек, Чемпионлар лигасидаги муваффақият туфайли ПСЖ УЕФА Суперкубогига йўлланма олди. Август ойида Зальцбург шаҳрида бўлиб ўтадиган баҳсда Франция клуби "Астон Вилла"га қарши майдонга тушади.

Ушбу ўйинда иштирок этишнинг ўзиёқ клубга яна 4 миллион евро кафолатлайди. Агар ПСЖ Суперкубокни қўлга киритса, яна 1 миллион евро қўшимча мукофот олади.

Финалда мағлуб бўлган "Арсенал" эса тахминан 143 миллион евро ишлаб топди. Бу Англия клублари тарихидаги Чемпионлар лигаси бўйича энг катта мукофот пули ҳисобланади.