ПСЖ Доннарумага ўринбосар топиб қўйди

ПСЖ раҳбарияти жамоанинг биринчи рақамли дарвозабони Жанлуижи Доннарумманинг ўйинидан норози. "Todofichajes" нашри хабарига кўра, бош мураббий Луис Энрике Доннарумманинг ўрнига бошқа посбонни кўзламоқда.

Испаниялик мутахассис "Атлетик" дарвозабони Унаи Симонни ўз сафига қўшиб олмоқчи. 26 ёшли кепернинг бозор қиймати 25 миллион еврога баҳоланмоқда. Симоннинг "басклар" билан шартномаси келаси йилнинг ўрталарига қадар тузилган.

Маълумот учун, Испания чемпионатининг жорий мавсумида Унаи 29 та учрашувда иштирок этиб, 26 та гол ўтказиб юборди ва 15 та ўйинда ўз дарвозаси дахлсизлигини сақлаб қолди.