ПСЖ Коутиньонинг агенти билан музокара ўтказди
Ads

"Барселона" клуби ярим ҳимоячиси Филиппе Коутиньо фаолиятини ПСЖда давом эттиришга яқин турибди.

Paris United нашри тарқатган хабарга кўра парижликлар спорт директори Антеро Энрике 26 ёшли бразилиялик футболчининг агенти билан музокаралар ўтказган. Франция чемпиони Коутиньони кейинчалик сотиб олиш ҳуқуқи билан ижарага олмоқчи.

Эслатиб ўтамиз, “Барселона” Коутиньони 2018 йилнинг январида 120 млн еврога “Ливерпул”дан сотиб олган эди. Унинг каталонияликлар билан амалдаги шартномаси 2023 йилга қадар имзоланган.

Маълумот учун, Коутиньо якунланган мавсум 54та ўйинда майдонга тушди ва 11та гол ҳамда 5та голли узатмага муаллифлик қилди.