ПСЖ Мбаппе ўрнига 3 та юлдузни олиб келмоқчи

Ўн йилликнинг энг ёрқин юлдузи бўлиши кутилаётган Килиан Мбаппе фаолиятини бошқа жамоада давом эттириши мумкинлиги ҳақида кўплаб хабарлар юрибди. Испаниянинг машҳур AS нашри тарқатган маълумотга кўра, ПСЖ ҳам унинг кетишига тайёргарлик кўрмоқда.

Парижликлар раҳбарияти франциялик футболчи билан музокаралар олиб борган. Бироқ бу жараён муваффақиятсиз якунланган ва катта эҳтимол билан, 22 ёшли вингер жамоадан кетади. Мбаппенинг ўзи сўнгги қарорини Чемпионлар Лигасидаги иштирокига қараб, маълум қилмоқчи.

Ўз навбатида, Париж клуби унинг ўрнига бир неча номзодларни топиб улгурган. Хусусан, Лионель Месси, Харри Кейн ҳамда Муҳаммад Салаҳ ёзда Францияга кўчиб ўтиши мумкин. Жамоа спорт директори Леонардо Месси билан шартнома имзолашни истаётган бўлса, бош мураббий Почеттино "Ливерпуль" вингерини олиб келишни сўраган.

Жорий мавсум ПСЖ ички биринчиликда 32-турдан кейин 2-поғонада бормоқда. Улар ҳисобида 66 очко бор.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар