ПСЖ мухлислари учун "Реал"га қарши ўйиндан олдин зўр хушхабар бор!

ПСЖнинг ҳужумкор ярим ҳимоячиси Анхель Ди Мариянинг жароҳати бўйича янги тафсилотлар маълум бўлди.

L'Équipe нашри тарқатган хабарга кўра, аргентиналик футболчининг жароҳати у қадар жиддий эмас ва у келаси ҳафта "Реал"га қарши бўладиган Чемпионлар лигаси 1/8 финал учрашувида жамоага ёрдам бера олади.

Эслатиб ўтамиз, ПСЖ ва "Реал" ўйини 15 февраль куни Тошкент вақти билан соат 01:00 да бошланади.

Ди Мария жорий мавсум ПСЖ сафида жами 19 та ўйинда майдонга тушди ва ўз ҳисобига 3 та гол ҳамда 4 та голли узатма ёздириб қўйди.