ПСЖ "отахон мураббий"дан рад жавобини олди

ПСЖда кузатилаётган сўнгги пайтлардаги ички низолар жамоа бош мураббийи Маурисио Почеттинонинг кетиши билан якунланиши мумкин.

Хабарларга қараганда, парижликлар раҳбарияти "Арсенал" собиқ устози Арсен Венгерга таклиф билан чиққан. Аммо франциялик мутахассис рад жавобини берган. Бу ҳақда унинг ўзи шундай дейди:

"Шунчаки кимдир тарқатган миш-миш. Бу маълумотни ким тарқатганини билмайман, аммо ҳақиқатдан анча йироқ",-дея Венгер сўзларини келтирмоқда RMC.

Маълумот учун, 72 ёшли мутахассис ҳозир ФИФАнинг футболни ривожлантириш бўлимида ишламоқда.