ПСЖ сардорини АПЛга чорлашмоқда

ПСЖ клуби ҳимоячиси Тьяго Сильва фаолиятини Англия премьер-лигасида давом эттириши мумкин.

Италиялик журналист Николо Скиранинг хабар беришича, 35 ёшли бразилиялик футболчининг хизматларига "Эвертон" жиддий қизиқиш билдира бошлаган. Агар у парижликлар билан амалдаги шартномасини узайтирмаса ва эркин агентга айланса, “ирисчилар” уни қўлга киритишга уриниб кўришади.

Тьяго Сильва жорий мавсум ПСЖ сафида 30 та ўйинда майдонга тушди ва 1 та гол урди. Унинг клуб билан амалдаги шартномаси эса 30 июнь куни ўз ниҳоясига етади.