ПСЖ трансфер бозорини “портлатмоқчи”. Нишонда уч нафар супер юлдуз!

Қимматбаҳо футболчиларни сотиб олишни яхши кўрадиган ПСЖ раҳбарлари ёзги трансферлар вақтида уч нафар супер футболчини олиб келишга бел боғлагани ошкор бўлди.

ПСЖ хўжайинлари клуб бош мураббийи Томас Тухелни қўллаб-қувватлаш мақсадида жамоани тарк этадиган Эдинсон Кавани ўрнига ёш тўпурар Эрлинг Холандни, майдон марказида устунликни мустаҳкамлаш учун “Лацио”дан Сергей Милинкович-Савични ва “Ренн”дан Эдуардо Камавингани трансфер қилади.

Ҳисоб-китобларга қараганда, парижликлар бу уч футболчи учун 250-300 миллион евро харажат қилиши керак бўлади.