ПСЖ Холанд учун даҳшатли сумма тўламоқчи
ПСЖ шу ёздаёқ Дортмунднинг "Боруссия"сидан Эрлинг Холандни сотиб олмоқчи.
ESPN нашри тарқатган хабарга кўра, парижликлар Холанд учун 200 миллион евро нарх етарли, деб ҳисобламоқда. Клуб ушбу сумма берилган тақдирда, дортмундликлар ҳеч иккиланишсиз футболчини қўйиб юборишига ишонмоқда.
Шунингдек, норвегияликнинг маоши ва агент Мино Райоланинг иш ҳақи ҳам анча юқори бўлиши кутилмоқда. Шунга қарамай, Париж клубида барчаси учун маблағ етарли. Айни пайтда Холанднинг товон пули 75 миллион еврога тенг.
21 ёшли Холанд жорий мавсум Бундеслиганинг 3 учрашувида 3 тадан гол ва ассистни ўз ҳисобига ёздириб қўйишга муваффақ бўлди. "Асаларилар" таркибида эса, умумий ҳисобда 64 ўйинда 63 бор рақиб дарвозасини ишғол этган.
Фикрлар