"Нефтчи"га қарши учрашувда Роналдудан зўр ўйнаган футболчи топилди

Саудия Арабистонининг «Ан-Наср» жамоасида тўп сурувчи португалиялик юлдуз Криштиану Роналду Ўзбекистон чемпиони "Нефтчи"га қарши ўтказилган учрашувдаги ўйини учун юқори баҳога сазовор бўлди. 

Учрашув ОФК Элит Чемпионлар Лигаси умумий босқичи иккинчи туридан ўрин олди ва 3:1 ҳисоби билан саудияликлар фойдасига якунланди, деб хабар бермоқда Flashscore нашри. 

Flashscore индивидуал рейтингларига кўра, баҳсда иккинчи тўпни киритган Роналдунинг ўйини 8,2 балл билан баҳоланди. Бу энг баланд кўрсаткич эмас. 

Беллашувда энг юқори кўрсаткични учрашувда ҳисобни очган бразилиялик Анжело Габриэл қайд этди — унга 9,0 балл берилди. Жоау Феликс ва Иньиго Мартинес эса 7,6 баллдан жамғарди.

Роналду 42-дақиқада киритган тўп 41 ёшли ҳужумчининг профессионал фаолиятидаги 981-ўй голи сифатида тарихга кирди ва шахсий жаҳон рекорди янада яхшиланди. 

Ушбу ғалабадан сўнг «Ан-Наср» мусобақадаги илк уч очкосини қўлга киритди ва Ғарбий минтақавий жадвалда саккизинчи поғонага кўтарилди. Саудия клубининг навбатдаги ўйини 26 октябрь куни ўз майдонида БААнинг «Ал-Васл» жамоасига қарши бўлиб ўтади.