ПСЖ юлдузидан воз кечди

“Пари Сен-Жермен” раҳбарияти аргентиналик ҳужумчи Мауро Икардидан имкон қадар тезроқ қутилмоқчи, деб хабар тарқатди L'Equipe нашри.

Манбанинг таъкидлашича, футболчининг клуб мутасаддилари билан муносабати жиддий бузилган. Энди парижликлар янги мавсумда бу ўйинчига умуман ишонч билдирмоқчи эмас.

Икардига бошқа жамоалардан таклиф бўлмаяпти. А Серия дебютанти аргентиналик юлдузни бир мавсум ижарага олишга кўнганди. Лекин италияликлар Мауро маошининг катта қисмини парижликлар тўлашини талаб қилди.

Икардининг амалдаги шартномаси яна икки мавсум давом этади. Унинг трансфери 22 миллион еврога баҳоланмоқда.