ПСЖга келиб, хато қилибмиз

Ўтган ёзда ПСЖ раҳбарияти Лионель Месси ва Неймарнинг ўрнини тўлдириш режаси билан икки ҳужумчи – Гонсалу Рамуш ва Рандаль Коло Муанини олиб келган эди.

Парижликлар бу трансферлар учун катта маблағ сарфлаган. Рамуш жамоага 65 миллион еврога, Коло Муани эса 95 миллион еврога тушган.  

Canal Supporters нашрининг маълум қилишича, қимматбаҳо футболчилар клубдаги аҳволидан норози ва келаси ёз бошқа жамоага ўтиб кетмоқси.

Аксарият мутахассислар ПСЖ имиджига зарар етмаслиги учун уларни қўйиб юбормаслигини  таъкидламоқда. Айримлар эса, Гонсалу Рамуш бош мураббий Луис Энрике қўллаётган тактик схемаларга тўғри келмаётганини ва ундан воз кечиш керак, деган фикрни олгари сурмоқда.