ПСЖга Неймарнинг футболкаси сотувидан тушган пулнинг 10-15 фоизи насиб қилади холос

Биласизми, яқиндагина “Барселона”дан 222 млн евро эвазига Неймарни сотиб олган ПСЖ унинг футболкалари сотувидан тушган пул билан футболчининг трансферига сарфлаган маблағларни қоплай олмайди.

Спорт юристи Жейк Коэннинг сўзларига кўра Европанинг топ клублари ўзларини спорт экипировкалари билан таъминлайдиган компаниялардан ҳар йили ҳомийлик маблағлари олишади. Масалан "Манчестер Юнайтед" Adidasдан бир йилда 75 млн фунт,  “Челси” эса Nikeдан 60 млн фунт, “Арсенал” эса Pumaдан 30 млн фунт олишади. Шунингдек ушбу жамоаларга футболкалардан тушган маблағнинг 10-15 фоизи миқдорида қўшимча бонус ҳам берилади.

Бунга асосий сабаб ушбу либосларни тикиш ва уларни миллионлаб нусҳада сотиш  учун клублар дунё бўйлаб ўзларининг сотув тармоқларига эга эмас.

Айтиш лозимки, Nike (ПСЖнинг техник ҳамкори) жорий йилнинг март, апрель ва май ойларида жами 7 миллиард фунт даромад кўрган. Бу эса деярли 112 йил тарихга эга “Челси”никидан анча кўп демакдир.