ПСЖнинг асосий таркиб футболчиси жарроҳлик амалиётини бошдан кечирди

ПСЖ клуби ҳимоячиси Лайвин Курзаванинг белида жарроҳлик амалиёти ўтказилди.

Клуб расмий сайти тарқатган хабарга кўра 26 ёшли футболчи умурта поғонасидаги чуррасини олдирган. Унинг қачон сафга қайтиши эса ҳозирча номаълум.

Эслатиб ўтамиз, ПСЖнинг асосий таркиб футболчиларидан бири ҳисобланган Курзава сўнгги марта 4 май куни майдонга тушган эди.