Пулишич АПЛга қайтиши мумкин!

"Милан" ярим ҳимоячиси Кристиан Пулишич Англия Премьер-лигасига қайтиши мумкин. "USMNT Only" нашрининг хабар беришича, "Ливерпуль" ва "Арсенал" америкалик футболчи билан шартнома имзолашга қизиқиш билдирмоқда.

Қанот вингери ҳали "россонерилар" билан янги шартнома имзоламаган, шунинг учун иккала инглиз клуби ҳам ёзда унинг трансферини амалга оширишга ҳаракат қилиши мумкин. Кристиан Пулишич 2023 йилда "Челси"дан "Милан"га 20 миллион евро эвазига кўчиб ўтган эди. Унинг шартномаси 2027 йил 30 июнгача амал қилади.

Ушбу мавсумда 27 ёшли футболчи "россонерилар" сафида барча мусобақаларда 20 та ўйинда майдонга тушиб, ўнта гол урди ва иккита голли узатмани амалга оширди.