Пулишич АҚШ терма жамоасига ёрдам беролмайди

“Челси” клуби ярим ҳимоячиси Кристиан Полушич жароҳат сабаб бўлажак ўйинларда АҚШ терма жамоасига ёрдам беролмайди.

Хабарларга қараганда Пулишич АПЛнинг 12-туридан ўрин олган “Кристал Пэлас”га қарши ўйинда сонидан жароҳат олган. Ҳозирча шифокорлар унинг қачон сафга қайтиши бўйича аниқ маълумот беришмаяпти.

Айтиш лозимки, АҚШ терма жамоаси ноябрь ойидаги ФИФА кунларида Канада ва Куба терма жамоаларига қарши баҳс олиб боради.

Маълумот учун, 21 ёшли Пулишич бу мавсум ҳозирча “Челси” сафида 14 та ўйинда майдонга тушди ва ўз ҳисобига 5 та гол ҳамда 6 та голли узатма ёздириб қўйишга эришди.