Пулишич ва Дест АҚШда "Йил футболчиси" бўлишга номзод

АҚШ футбол федерацияси мамлакатнинг якунланиб бораётган 2020 йилдаги энг яхши футболчиси бўлишга номзодларни эълон қилди.

Ушбу номга Сержиньо Дест («Барселона»), Кристиан Пулишич («Челси»), Уэстон Маккенни («Ювентус»), Тайлер Адамс («РБ Лейпциг»),  Жордан Моррис («Сиэтл Саундерс») ва Гьяси Зардес («Коламбус Крю») даъвогарлик қилмоқда.

Номзодларга овоз бериш жараёни 16 декабрга қадар давом этади. Ғолиб номи 18 декабрь куни эълон қилинади.