"Қароқчи" октагонга қайтиш вақтини маълум қилди

UFC ўрта вазн тоифасида иштирок этаётган россиялик Шаробуддин Магомедов қачон ва қаерда жанг қилиши ҳақида гапирди.

"Қайтишим учун энг яхши вақт - апрелнинг охири, майнинг боши. Бу мен учун айни муддао. Энди ташкилот янги "Paramount" платформасига ўтди ва йил бошидаги барча жанглар, асосан, Америкада бўлиб ўтади. Улар дунёнинг қолган қисмига ўтганларида, мен жанг учун керакли жойни танлайман. Чунки промоушен мени Америка бозорига эмас, балки араб, Яқин Шарқ, Осиёга ишлатмоқчи. Очиғи, Россияда ҳам турнир ўтказилишини кутяпман. Шу ерда, Қизил майдонда сўзга чиқишни жуда-жуда истардим. Бу менинг орзум. Оқ Уйда октагонга чиқиш истагим йўқ", - деди Шара Буллет "Мета Fight" каналига берган интервьюсида.

Эслатиб ўтамиз, Магомедов 30 декабрь куни Арман Царукян билан грэпплинг баҳсида дурранг натижа қайд этди.